បុរស០២ម្នាក់បានរងរបួសធ្ងន់ ស្រាល ក្នុងហេតុការណ៍គ្រោះថ្នាក់ចរាចរណ៍រវាង
29-November-2017 | ដោយ ពលមនសិការ
តាកែវ ៖ លោកវរសេនីយ៍ទោ ភី ឆុន អធិការនគរបាលស្រុកអង្គរបូរីបានឲ្យដឹងថាៈ ក្រោយពេលទទួលបានព័ត៌មានថា មានករណីគ្រោះថ្នាក់ចរាចរណ៍មួយកើតឡើងលើផ្លូវលេខ១TK១ លោកអធិការបានដឹកនាំកម្លាំងជំនាញចុះទៅពិនិត្យកន្លែងកើតហេតុភ្លាម។
លោកអធិការបញ្ជាក់ថាៈ កាលពីថ្ងៃទី២៨ ខែវិច្ឆិកា ឆ្នាំ២០១៧ វេលាម៉ោង១៨ និង៣៥នាទី មានករណីគ្រោះថ្នាក់ចរាចរណ៍មួយកើតឡើង ត្រង់ចំណុចចន្លោះគីឡូម៉ែត្រលេខ១១-១២ ស្ថិតនៅក្នុងភូមិស្វាយខាងត្បូង ឃុំបាស្រែ ស្រុកអង្គរបូរី ខេត្តតាកែវ។ ដែលបង្កឲ្យមាន គ្រោះថ្នាក់ចរាចរណ៍រមួយកើតឡើង រវាងម៉ូតូ និងម៉ូតូបើកបរក្នុងទិសដៅបញ្ច្រាសទិសគ្នាពីរជើងទៅត្បូង។ ដោយម៉ូតូម៉ាគុបមូល C50 ពណ៌សំបកឪឡឹក គ្មានស្លាកលេខ បើកបរដោយឈ្មោះ ហ៊ុល យ៉ុន ភេទប្រុស អាយុ៥៤ឆ្នាំ មុខរបរកសិករ មានទីលំនៅភូមិព្រៃបាសឹង ឃុំបាស្រែ ស្រុកអង្គរបូរី ខេត្តតាកែវ។ ដែលបណ្តាលឲ្យរងរបួសស្រាល(មិនពាក់មួកសុវត្ថិភាព) បើកបរពីរជើងទៅត្បូង។ ចំណែកឯម៉ូតូម៉ាកគុបជ្រុង C90 ពណ៌ទឹកប៊ិច ពាក់ស្លាកលេខភ្នំពេញ 1BX-9985 បើកបរដោយឈ្មោះ ហ៊ុយ ចាន់ ភេទប្រុស អាយុ៥២ឆ្នាំ មុខរបរកសិករ មានទីលំនៅភូមិ ផ្សារជ្រែ ឃុំអង្កាញ់ ស្រុកព្រៃកប្បាស ខេត្តតាកែវ។ បណ្តាលឲ្យរងរបួសធ្ងន់ (មិនពាក់មួកសុវត្ថិភាព) បើកបរពីរជើងទៅត្បូង ជនរងគ្រោះត្រូវបានសាច់ញ្ញាត្តិបញ្ជូនទៅមន្ទីរពេទ្យភ្នំពេញ។ មូលហេតុដោយសារបើកបរលឿនហួសល្បឿនកំណត់។
បច្ចុប្បន្នជំនាញយកវត្ថុតាងទាំងពីរមករក្សាទុកនៅអធិការដ្ឋាននគរបាលស្រុកអង្គរបូរី ដើម្បីកសាងសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ5211
- ម្សិលមិញ10851
- សប្តាហ៍នេះ71731
- ខែនេះ186881
- ឆ្នាំនេះ186881
- សរុប20629337